Радыё Свабода 04.01.2016
Украінскі палітоляг Віктар Каспрук згодны з тым, што эканамічная вайна паміж Расеяй і Ўкраінай дасьць шанец беларускім прадпрыемствам стаць пляцоўкамі для перапрацоўваньня тавараў і далейшага рээкспарту:
«Беларускі „бацька“ Лукашэнка, як заўсёды, хоча ўседзець на некалькіх крэслах. І для таго, каб збалянсаваць ціск, які абавязкова будзе ісьці на Беларусь з боку Расеі ў 2016 годзе, перад Захадам ён хоча выглядаць калі не дэмакратам, дык хаця б прагрэсіўным дыктатарам. Зь іншага боку, беларускі прэзыдэнт выдатна разумее тыя магчымасьці, якія дае эканамічная вайна паміж Расеяй і Ўкраінай, таму ня выключана, што паўторыцца гісторыя зь беларускімі ананасамі і крэвэткамі. Толькі гэтым разам на іх месцы будуць украінскія харчы».
